Bakı. 8 yanvar. REPORT.AZ/ Almaniyanın Köln şəhərində yaşanan insidentlər Avropa İttifaqının növbədənkənar sammitində müzakirə olunmalıdır.
"Report" "Gazeta.Ru"ya istinadən xəbər verir ki, bu çağırışı Slovakiyanın baş naziri Robert Fitso səsləndirib.
Onun sözlərinə görə, rəsmi Bratislava Avropa Şurası və Avropa Komissiyasına müraciət edərək Avropa İttifaqının sərhədlərinin möhkəmləndirilməsi istiqamətində aparılan işlərin sürətləndirilməsini istəyəcək.
Qeyd edək ki, Almaniya polisi Köln şəhərində miqrantların qadınlara qarşı cinsi zəmində hücumlarına dair iddiaları araşdırır.