Ordusu olmayan İslandiya yük maşınlarını Ukrayna Silahlı Qüvvələrinə verib

İslandiya Ukrayna ordusunun ehtiyacları üçün neft məhsullarının daşınması məqsədilə 10 yük maşını alacaq.

Bu barədə “Report” “Euractiv”ə istinadən xəbər verir.

İslandiya Xarici İşlər Nazirliyi qeyd edib ki, Rusiyanın tammiqyaslı hücumunun əvvəlindən istək və ehtiyaclara uyğun olaraq Ukraynanı dəstəkləməyə diqqət ayırıb.

"Biz Ukrayna ordusunu silah və ya digər hərbi texnika ilə təmin etmirik, lakin neft məhsullarının daşınması üçün yük maşınları verməklə üzərimizə düşəni edə bilərik, bu da ehtiyac yarandıqda sürətli olmaq üçün kifayət etmir", - İslandiyanın xarici işlər naziri Ordis Kolbrun Reykfyord bildirib.

Artıq iki yük maşını Ukraynaya gətirilib, daha səkkizi isə yaxın gələcəkdə göndəriləcək. Avtomobilin alınması, idarə edilməsi və çatdırılmasının ümumi dəyəri 400 000 avro təşkil edir.

Qeyd edək ki, İslandiya uzun illərdir başqa ölkələrə silah satmamaq siyasəti yürüdür və ordusu yoxdur. Ölkə əsasən özünün ərazi sularının qorunmasına və axtarış-xilasetmə əməliyyatlarının aparılmasına yönəlmiş müdafiə və təhlükəsizlik məqsədləri üçün kiçik sahil mühafizəsi saxlayır.