Olaf Şolts: "Nüvə tərk-silahına dair yeni danışıqlara Çin də daxil edilməlidir"

“Nüvə tərk-silahına dair yeni danışıqlara Çin də daxil edilməlidir”.

“Report” “Röyters”ə istinadən xəbər verir ki, bunu Almaniya kansleri Olaf Şolts deyib.

O, dünya ölkələrini nüvə tərk-silahına dair yeni danışıqlara çağırıb: “Danışıqlarda təkcə Rusiya və ABŞ deyil, Çin də iştirak etməlidir. Həmçinin, İranın nüvə silahı istehsalına töhfə verə biləcək uran istehsalının qarşısını almaq vacib vəzifə olaraq qalır".

Kansler qeyd edib ki, nüvə silahı bəşəriyyət üçün ekzistensial təhlükə yaradır: “Buna görə də onlardan heç vaxt istifadə edilməməsinə dair mümkün olar hər şeyi etmək, təcili öhdəlikləri götürmək lazımdır”.

Xatırladaq ki, 1945-ci ildən bəri müharibələrdə nüvə silahından istifadə edilmir. Son zamanlar isə Rusiya dünyanı nüvə silahının tətbiqi ilə təhdid edir.