Bakı. 11 mart. REPORT.AZ/ Nyu-Yorkda Manxetten rayonundakı göydələnlərdən birində yanğın başlayıb. Bu barədə "Report" xarici KİV-ə istinadən xəbər verir.
Yanğın 5-ci Avenue prospektində "Schomburg Plaza" binasının 17 və 18-ci mərtəbələri arasında başlayıb.
Hadisə yerinə 140 nəfərdən ibarət yanğınsöndürənlər briqadası gəlib. Qeyd olunur ki, yanğın nəzarət altına alınıb.
Həmçinin bildirilir ki, 6 nəfər yüngül xəsarət alıb.