Bakı. 6 noyabr. REPORT.AZ/ “Normand dördlüyü” kimi tanınan Ukrayna, Rusiya, Almaniya, və Fransa-nın xarici işlər nazirləri bu gün Berlində görüş keçirəcəklər.
"Report"-un "TASS" agentliyinə istinadən verdiyi xəbərə görə, Almaniya XİN təmsilçisi bildirib ki, görüşdə məqsəd "Minsk-2" razılaşmalarının həyata keçirilməsində irəliləyiş əldə etməkdir.
“Ukraynanın şərqində vəziyyətin sabitləşməsi ancaq siyasi proses işə düşdükdən sonra mümkün olacaq. Bu isə birbaşa müşahidəçilərə geniş imkanların yaradılmasından və konstitusiya islahatlarından keçir”, - deyə diplomat qeyd edib.
“Normand dördlüyü”nün XİN rəhbərlərinin öncəki görüşü sentyabrın 12-də Berlində keçirilmişdi.