Bakı. 17 avqust. REPORT.AZ/ Bu gün Litvanın Qayjyunay poliqonunda başlayan "Strong Hussar" adlı taktiki təlimlərdə Litva, ABŞ və Polşa moto-piyada bölmələri iştirak edir.
"Report" TASS-a istinadən xəbər verir ki, Litva Müdafiə Nazirliyi manevrlərə üç ölkədən təxminən 1300 hərbçinin cəlb edildiyini açıqlayıb.
"Təlimlər zamanı müdafiə və hücum taktikaları təkmilləşdiriləcək. Müdafiə əməliyyatları zamanı zirehli dəstəyi ABŞ-ın Litvada yerləşdirdiyi "Abrams" tankları həyata keçirəcək", - deyə nazirlikdən bildirilib.
Qeyd edək ki, "Strong Hussar" manevrləri avqustun 26-dək davam edəcək.