İsraildə terror fəaliyyətində şübhəli bilinən 13 nəfər həbs edilib

Bakı. 20 aprel. REPORT.AZ/ İsrail polisi Şərqi Qüdsdə yerləşən İsauiya rayonunda keçirdiyi xüsusi əməliyyat zamanı terror fəaliyyətində şübhəli bilinən 13 nəfəri həbs edib.

"Report" TASS-a istinadən xəbər verir ki, bu barədə İsrail polisinin rəsmi nümayəndəsi Micki Rozenfeld məlumat verib.

Yerli televiziya kanalının məlumatına görə isə əməliyyat zamanı polis əməkdaşlarına qarşı partlayıcı maddədən istifadə olunub, heç kim zərər görməyib.