Bakı. 23 may. REPORT.AZ/ İraqın baş naziri Heydər əl-Əbadi İŞİD terror qruplaşmasının işğalı altında olan əl-Fəlluc şəhərinin azad olunması əməliyyatının başlandığını elan edib.
"Report"un məlumatına görə, bu haqda "Sputnik" agentliyi xəbər verib.
"Əl-Fəlluc şəhərini azad etməyin vaxtı çatıb", - deyə baş nazir bildirib.
Onun sözlərinə görə, əməliyyatda ölkənin silahlı qüvvələrin bütün hərbi bölmələri, o cümlədən hakimiyyətin tərəfində vuruşan birləşmələr iştirak edir.
Əməliyyata könüllülər də dəstək verir.