Bakı. 29 avqust. REPORT.AZ/ Honkonq polisi reyd zamanı Çinin bu xüsusi inzibati rayonunun cinayətkar qruplaşmalarının 150-dən çox üzvünü həbs edib.
"Report" xəbər verir ki, bu barədə yerli RTHK radiostansiyası məlumat yayıb.
Qeyd olunur ki, polisin bazar günü reydinə 3 qeyri-qanuni bar, 6 əxlaqsızlıq yuvası və qeyri-qanuni fəaliyyət göstərən 4 maconq oyunları salonu məruz qalıb.
Polisin məlumatına görə, reyd zamanı 15-dən 68-dək yaş aralığında olan 86 kişi və 69 qadın saxlanılıb. İlkin ehtimala görə, onların hamısı yerli kriminal dairələrin üzvləridirlər, qanunsuz olaraq silah gəzdirirlər və narkotik alverində əlləri var.