Bakı. 22 iyul. REPORT.AZ/ ABŞ rəhbərliyi İranla Yəmən və Suriya mövzularında müzakirələr aparmaq istəyir. "Report"un "Anadolu"ya istinadən verdiyi məlumata görə, bunu İranın ali dini lideri ayətullah Seyid Əli Xamneyinin baş məsləhətçisi Əli Əkbər Vilayəti bildirib.
Onun sözlərinə görə, İranla "altılıq" ölkələri arasında əldə olunmuş nüvə müqaviləsi ölkəsinin regional siyasətini dəyişməyəcək: "İranın regiondakı müqavimət xəttindəki döyüşçülərə dəstəyi necə idi, elə də qalacaq, hətta bu dəstək artacaq".
Əli Əkbər Vilayəti İranla ABŞ-ın apardığı müzakirələr zamanı ali dini liderin göstərişi ilə yalnız nüvə məsələsi ilə bağlı görüşdüyünü deyərək, lakin bundan əvvəl Əfqanıstan və İraq problemi ilə bağlı
Baş məsləhətçi nüvə müqaviləsinin ölkəsinin hərbi gücünə də təsir göstərməyəcəyini deyərək, İran tərəfindən uzun və qısamənzilli, bərk və ya maye yanacaqla işləyən hər cür raketin istehsal ediləcəyini vurğulayıb.
Əli Əkbər Vilayəti həmçinin İranın İraq hökuməti və xalqının hər cür terrorla mübarizəsinə dəstək vermək məsələsində də qərarlı olduğunu qeyd edib.