Əfqanıstanın cənubunda 27 "Taliban" döyüşçüsü öldürülüb

Bakı. 20 avqust. REPORT.AZ/ Əfqanıstanın cənubunda keçirilmiş hərbi əməliyyat zamanı "Taliban" hərəkatının 27 üzvü öldürülüb.

"Report"un məlumatına görə, bu barədə "Pajhwok" agentliyi xəbər yayıb.

Məlumata görə, Əfqanıstanın təhlükəsizlik qüvvələri silahlıların mövqelərinə cümə gecəsi zərbə endirib.

Əməliyyat zamanı Əfqanıstanın təhlükəsizlik qüvvələrinin də 3 əməkdaşı həlak olub.