​Əfqanıstandakı partlayışda 11 nəfər ölüb

Bakı. 25 avqust. REPORT.AZ/ Əfqanıstanın qərbində yerləşən Herat şəhərində güclü partlayış baş verib.  

"Report" xəbər verir ki, bu haqda "TASS" məlumat yayıb. 

Partlayışdan sonra yanğın başlayıb və nəticəsdə 11 nəfər həyatını itirib, 18 nəfər yaralanıb.

Məlumatda bildirilib ki, hadisə böyüklüyünə görə ölkənin üçüncü sənaye şəhərində təbii qaz saxlanılan yerdə baş verib. Ölən və yaralananların hamısı bir məhəllənin sakinləridir.

Partlayışın başvermə səbəbləri hələlik məlum deyil.