​Almaniyada binada partlayış olub, 3 nəfər ölüb

Bakı. 21 noyabr. REPORT.AZ/ Almaniyanın Baden-Vuttemberg əyalətinin Baden bölgəsinin Karlsure şəhərində üçmərtəbəli binanın ikinci mərtəbəsində baş verən partlayış nəticəsində 3 nəfər ölüb.

"Report" xarici KİV-ə istinadən xəbər verir ki, şəhərin hüquq-mühafizə orqanlarının təmsilçiləri partlayışın texniki nasazlıqdan baş vermədiyini bildiriblər.

Partlayışdan sonra baş verən yanğın söndürülüb. Binadakı sakinlər təxliyə olunub.