Bakı. 11 noyabr. REPORT.AZ/ Kuba və ABŞ arasında hava nəqliyyatı bu ilin sonunadək bərpa oluna bilər. "Report"un “Gazeta.Ru”-ya istinadən verdiyi məlumata görə, bu barədə Kuba XİN-in ABŞ-la əlaqələr departamentinin rəhbəri Jozefina Vidal bildirib.
“Biz ilkin razılaşmalara və sazişlərə çox yaxınıq. Bu sənədləri bir neçə həftə ərzində təqdim edə bilərik”, - deyə J.Vidal qeyd edib.
Onun sözlərinə görə, Havana ilə Vaşinqton arasında əldə olunacaq razılaşma, həmçinin ətraf mühitin qorunması və narkotik qaçaqmalçılığıyla mübarizə kimi sahələri də əhatə edəcək.