Piter Semnebi: "Dağlıq Qarabağ münaqişəsinin həll olunmaması narahatlıq doğurur"

Bakı. 10 mart. REPORT.AZ/ "Dağlıq Qarabağ münaqişəsinin hələ də həllini tapmaması narahatlıq doğurur".

"Report" xəbər verir ki, bunu IV Qlobal Bakı Forumunda iştirak edən Avropa İttifaqının Cənubi Qafqaz üzrə keçmiş xüsusi nümayəndəsi, hazırda isə İsveçin Suriyadakı səfiri kimi fəaliyyət göstərən Piter Semnebi deyib.

"Mən bu istiqamətdə irəliyə doğru addımlar atılacağına ümid etmək istərdim". - deyə o bildirib.

P.Semnebi bu gün Azərbaycan paytaxtında açılışı olan IV Qlobal Bakı Forumunun işini yüksək qiymətləndirib. O, Forumun yüksək keçirilmə səviyyəsini və iştirakçıların sayının çox olmasını xüsusi vurğulayıb.

"Belə müzakirələr yalnız Azərbaycan yox, həm də digər ölkələr üçün faydalıdır", - deyə P.Semnebi bildirib.