Bakı. 5 noyabr. REPORT.AZ/ Bakıda Azərbaycan-İran biznes forumu keçiriləcək. İranın Azərbaycandakı səfirliyindən "Report"a verilən məlumata görə, tədbir noyabrın 16-da baş tutacaq.
Məlumata görə, forumda neft-kimya, elektrik, tikinti və digər sahələrdə fəaliyyət göstərən 30-a yaxın İran şirkəti iştirak edəcək.
Tədbirdə, həmçinin İranın Gilan vilayətinin valisi və Ənzəli azad iqtisadi zonasının rəhbərliyinin iştirakı gözlənilir.
Bundan əlavə, noyabrın 17-19-da "Iran Project" adlı sərgi keçiriləcək.
Bu tədbirlərin məqsədi İran və Azərbaycan iş adamları arasındakı əlaqələrin gücləndirilməsidir.