Yuxarı

Zakir Həsənov: "Terrora qarşı aparılan kəskin mübarizədə daima Türkiyə Silahlı Qüvvələrinin yanındayıq"

​Azərbaycanın müdafiə naziri Türkiyə tərəfinə başsağlığı verib

Bakı. 14 mart. REPORT.AZ/ Azərbaycan Müdafiə naziri general-polkovnik Zakir Həsənov Türkiyənin Ankara şəhərində törədilən xain terror aktı nəticəsində həlak olan və xəsarət alanlarla bağlı Türkiyə Milli Müdafiə naziri İsmət Yılmaza və Türkiyənin  Baş Qərargah rəisi ordu generalı Hulusi Akara başsağlığı ünvanlayıb.

Bu barədə “Report”a Azərbaycan Müdafiə Nazirliyinin mətbuat xidmətindən məlumat verilib.

Başsağlığı mətnində deyilir: "Qardaş Türkiyə Respublikasının Ankara şəhərində baş vermiş xain terror aktı nəticəsində çoxlu sayda insanın həlak olması və xəsarət alması haqqında xəbər məni dərindən kədərləndirdi.

Biz bu dəhşətli hadisədən çox hiddətlənir, terrorizmi qətiyyətlə pisləyirik. Terrora qarşı aparılan kəskin mübarizədə daima qardaş Türkiyə Silahlı Qüvvələrinin yanındayıq və var gücümüzlə dəstəkləyirik.

Həlak olanlara rəhmət diləyir, onların yaxınlarının dərdlərinə şərik olur, ailələrinə dərin hüznlə başsağlığı verirəm. Bütün yaralılara Tanrıdan şəfa diləyirəm.

Allah rəhmət eləsin".

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi