Yunanıstanın yeni səfiri Azərbaycana sentyabrın sonlarında gələcək

Bakı. 31 avqust. REPORT.AZ/ Yunanıstanın Azərbaycana təyin etdiyi yeni səfiri Nikos Kanellos sentyabr ayının sonlarında Bakıya gələcək.

Bu barədə "Report"a səfir N.Kanellos məlumat verib.

Səfirin sözlərinə görə, o, bu vəzifəyə təyin olunmağından və Azərbaycanda Yunanıstanın maraqlarına xidmət edəcəyindən məmnundur.

Qeyd edək ki, N.Kanellos bu vəzifədə səfir Dimitrios Tsunqası əvəz edəcək. Onun əvvəlki iş yeri Yunanıstanın Vyetnamdakı səfiri vəzifəsi olub.