Ceyhun Bayramov Tacikistan prezidenti ilə görüşüb

Ceyhun Bayramov Tacikistan prezidenti ilə görüşüb Emomali Rahmon İlham Əliyevi Tacikistana rəsmi səfərə dəvət edib
Xarici siyasət
171
29 Mart , 2021 17:13
Ceyhun Bayramov Tacikistan prezidenti ilə görüşüb
Ceyhun Bayramov və Emomali Rahmon

Azərbaycan xarici işlər naziri Ceyhun Bayramov Tacikistan prezidenti Emomali Rahmon tərəfindən qəbul edilib.

Bu barədə "Report"a Azərbaycan Xarici İşlər Nazirliyindən məlumat verilib.

Görüşdə Azərbaycan və Tacikistan arasında mövcud olan ikitərəfli münasibətlərin hərtərəfli inkişafına dair məsələlər müzakirə olunub.

E.Rahmon Azərbaycana səfərlərini məmnunluqla xatırlayaraq ölkənin son illər ərzində keçdiyi inkişaf yolunu xüsusi olaraq vurğulayıb. O, Azərbaycan Prezidenti İlham Əliyevi Tacikistana rəsmi səfərə dəvət edib.

Tacikistan prezidenti Azərbaycanın COVID-19 ilə mübarizədə Tacikistana göstərdiyi yardımı yüksək qiymətləndirərək pandemiya müddətində Azərbaycanın Tacikistan mallarının tranzit daşımaları üçün xüsusi şərait yaratdığını vurğuladı və bununla əlaqədar Azərbaycan tərəfinə təşəkkürünü bildirib.

C.Bayramov qəbula görə Tacikistan prezidentinə təşəkkürünü bildirdi və Azərbaycan Prezidentinin səmimi salamlarını qarşı tərəfin diqqətinə çatdırıb. Nazir bölgədə olan cari vəziyyət, o cümlədən Azərbaycanın işğaldan azad edilmiş ərazilərində Ermənistan tərəfindən törədilmiş dağıntılar, Azərbaycanın tarixi və mədəni irsinə vurulmuş ziyan, habelə bu ərazilərin yenidən qurulması və bərpası istiqamətində Azərbaycan hökuməti tərəfindən görülən işlər ilə bağlı qarşı tərəfə məlumat verib.

Son xəbərlər

Orphus sistemi