XİN başçısı: "Türkmənistanın qatılması ilə Türk Şurasının ailə tablosu tamamlandı"

İstanbulda Türkiyənin xarici işlər naziri Mövlud Çavuşoğlu ilə Türkmənistan xarici işlər naziri Rəşid Meredov arasında görüş olub.

“Report” xəbər verir ki, bunu M.Çavuşoğlu tviter səhifəsində yazıb.

“Türk Şurasının zirvə toplantısına ilk dəfə müşahidəçi olaraq qatılan Türkmənistanın xarici işlər naziri Rəşid Meredov ilə müzakirə apardım. Türkmənistanın qatılması ilə Türk Şurasının ailə tablosu tamamlandı. Xoş gəldin, Türkmənistan!”, - nazir bildirib.