XİN başçısı: "Azərbaycanın Əfqanıstanda diplomatik missiyası fəaliyyətə başlayacaq"

"Azərbaycanın Əfqanıstanda diplomatik missiyası fəaliyyətə başlayacaq".

"Report"un xəbərinə görə, bunu Azərbaycanın xarici işlər naziri Ceyhun Bayramov dekabrın 28-də ilin yekunlarına dair mətbuat konfransında deyib.

Nazirin sözlərinə görə, gələn il müxtəlif ölkələrdə Azərbaycanın yeni diplomatik nümayəndəliklərinin açılması gözlənilir.

O bildirib ki, bu istiqamətdə işlər davam edir: "Tailanda, Omanda, Əfqanıstanda diplomatik missiyalarımız fəaliyyətə başlayacaq. Bu, qarşıdakı aylarda ola bilər".