XİN başçısı: "Azərbaycan Ermənistandakı "Metsamor" AES-in vəziyyəti ilə bağlı narahatdır"

Bakı. 9 fevral. REPORT.AZ/ "Azərbaycan hakimiyyəti Ermənistandakı "Metsamor" AES-in vəziyyəti ilə bağlı narahatdır."

"Report" xəbər verir ki, bu barədə Azərbaycanın xarici işlər naziri Elmar Məmmədyarov RİA "Novosti"yə müsahibəsində bildirib.

"Regional tərəfdaşlarımızla hər zaman "Metsamor" AES-ə görə narahat oluruq. Bu, lap köhnəlib, "Çernobıl variantıdır". Yaxşı ki "Rosatom" müəyyən əlavə vəsait verir. Amma prinsipcə, bu stansiya artıq istifadə müddəti keçmiş obyektdir. Çünki Allah eləməsin, nəsə baş versə, yalnız Ermənistan yox, hamı əziyyət çəkəcək", -Azərbaycanın XİN başçısı vurğulayıb.