Vışeqrad qrupu və "Şərq Tərəfdaşlığı" ölkələrinin XİN başçılarının növbəti görüşünün tarixi açıqlanıb

Bakı. 19 iyul. REPORT.AZ/ Vışeqrad qrupu V4+ "Şərq Tərəfdaşlığı" proqramı ölkələrinin xarici işlər nazirlərinin növbəti görüşü bu ilin sentyabrın 11-12-də keçiriləcək.

"Report"un məlumatına görə, bunu Macarıstanın Azərbaycandakı səfiri İmre Laslotski bildirib.

Diplomat deyib ki, XİN başçıları noyabrda Brüsseldə keçiriləcək "Şərq Tərəfdaşlığı" sammiti ərəfəsində bir araya gələcəklər.

O, Brüsseldə "Şərq Tərəfdaşlığı" sammitində Azərbaycan Prezidenti İlham Əliyev də iştirak edəcəyinə ümidvar olduğunu bildirib.