UNICEF Azərbaycanda Milli Uşaqların İnkişaf Strategiyasının təsdiqini alqışlayır

UNICEF Azərbaycanda yeni 10 il üçün nəzərdə tutulan Milli Uşaqların İnkişaf Strategiyasının təsdiq edilməsi haqqında Prezident İlham Əliyevin iyunun 2-də imzaladığı Fərmanı alqışlayır. 

Report xəbər verir ki, bu barədə qurumun Azərbaycandakı nümayəndəliyinin açıqlamasında bildirilir. 

"UNICEF Ailə, Qadın və Uşaq Problemləri üzrə Dövlət Komitəsi ilə Uşaqların Milli Fəaliyyət Planının tamamlanması üçün sıx əməkdaşlıq edir. Bu plan yeni Strategiyanı aydın müəyyən edilmiş siyasətə və proqram tədbirlərinə çevrilməsinə kömək edəcək. Bu tədbirlərin Azərbaycanda hər bir uşağın rifahı naminə həyata keçirilməsi üçün, UNICEF bundan sonra da hökumətə texniki dəstəyini göstərəcək və əməkdaşlığı davam etdirəcək", - açıqlamada qeyd olunur.