Yuxarı

​Ukrayna səfiri ölkə vətəndaşlarının Nepaldan təxliyyəsi zamanı göstərilən yardıma görə Azərbaycana minnətdarlığını bildirib

Azərbaycan FHN-i təxliyyə olunan Ukrayna vətəndaşlarına tibbi yardım göstərib, geyim və qida ilə təmin edib

Bakı. 8 may. REPORT.AZ/ Ukrayna səfiri Aleksandr Mişenko bu ölkə vətəndaşlarının Nepaldan təxliyyəsi zamanı göstərilən yardıma görə Azərbaycanın və Fövqəladə Hallar Nazirliyinin rəhbərliyinə minnətdarlığını bildirib. "Report" xəbər verir ki, A.Mişenko Azərbaycan FHN-in rolunu xüsusi olaraq vurğulayaraq qeyd edib ki, qurum Ukrayna vətəndaşlarına tibbi yardım göstərib, onları geyim və qida ilə təmin edib.

Xatırladaq ki, mayın 6-da zəlzələdən zərər çəkən Nepaldan  bir neçə ölkə vətəndaşlarını təxliyyə edən Ukrayna  Müdafiə Nazirliyinin İl-76 təyyarəsi Bakı hava limanına enib. Təyyarənin göyərtəsində 76 Ukrayna və 11 xarici vətəndaş (Gürcüstan, Polşa, Rusiya və Fransa) olub. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi