Yuxarı
    Bağlamaq

    Ukrayna nümayəndə heyətinin rəhbəri: "Ermənilərin AŞPA-dakı davranışlarının mənə qarşı təzyiq olduğunu düşünürəm"

    Əcdadlarımızın azərbaycanlı olması haqqında məlumatdan istifadə edilməsi, məncə, etnik zəmində təqibdir

    Kiyev. 7 fevral. REPORT.AZ/ Ukrayna xalq deputatı, Avropa Şurası Parlament Assambleyasının (AŞPA) Mədəniyyət, Elm, Təhsil və Media Komitəsinin rəhbəri Vladimir Aryev Dağlıq Qarabağ probleminə dair mövqeyinə görə AŞPA-dakı Ermənistan nümayəndə heyətinin ona təzyiq göstərməsini şərh edib.

    V.Aryev "Report"un Ukrayna bürosuna açıqlamasında ona göstərilən təzyiqlərin AŞPA standartları çərçivəsini aşdığını bildirib.

    "Onların mənə qarşı təzyiq etmə cəhdini görüncə sərt şəkildə cavablarını verdim. Sonradan Ermənistan tərəfi bizim AŞPA-dakı səfirimiz vasitəsilə mənə "xoş sözlər polemikasını" dayandırmağı təklif etdi, razılaşdım. Münaqişəni bitirmək lazımdır. Nümayəndə heyətinin məruzəçinin çıxışı ilə razı olmadığı vəziyyətdə belə, məruzəçiyə şəxsi təzyiq göstərilməsi yolverilməzdir. Artıq məsələ qapanıb. Düşünürəm ki, Ermənistan nümayəndə heyəti bu cür davranışların AŞPA-ya yaraşmadığını anlayıb" - V.Aryev vurğulayıb.

    Ermənilərin onun əcdadlarının azərbaycanlı olması haqqında məlumatdan istifadə edərək təzyiq göstərməsinə münasibət bildirən AŞPA-nın Komitə rəhbəri bunu etnik zəmində təqib saydığını dilə gətirib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi