Yuxarı
    Bağlamaq

    Türkiyə baş nazirinin Azərbaycana rəsmi səfəri başlayıb

    Heydər Əliyev Beynəlxalq Hava Limanında Binəli Yıldırımı Azərbaycan rəsmiləri qarşılayıb

    Bakı. 3 iyun. REPORT.AZ/ Türkiyənin yeni baş naziri Binəli Yıldırımın Azərbaycana rəsmi səfəri başlayıb.

    "Report" xəbər verir ki, Heydər Əliyev Beynəlxalq Hava Limanında B.Yıldırımı Azərbaycan baş nazirinin müavini Abid Şərifov, digər rəsmilər və Türkiyənin Azərbaycandakı səfirliyinin əməkdaşları qarşılayıb.

    Səfər zamanı B.Yıldırım Azərbaycan rəhbərliyi ilə görüşlər keçirəcək və ikitərəfli münasibətlərin inkişafı məsələlərini müzakirə edəcək, eləcə də mühüm regional və qlobal məsələlər üzrə fikir mübadiləsi aparacaq.

    Qeyd edək ki, B.Yıldırım Türkiyənin hakim Ədalət və İnkişaf Partiyasının (AKP) mayın 22-də keçirilən qurultayında AKP-nin sədri seçilib. Bundan sonra Türkiyə prezidenti Rəcəb Tayyib Ərdoğna 65-ci hökuməti formalaşdırmağı B.Yıldırıma tapşırıb. Bununla da B.Yıldırım Türkiyənin baş naziri olub. 

    Ənənəvi olaraq, Türkiyə baş naziri ilk xarici səfərlərini Şimali Kipr Türk Respublikasına və Azərbaycan Respublikasına edir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi