Yuxarı
    Bağlamaq

    Türkiyənin baş naziri Fəxri və Şəhidlər xiyabanlarını ziyarət edib

    Binəli Yıldırım daha sonra Türk şəhidliyini ziyarət edib

    Bakı. 4 iyun. REPORT.AZ/ Azərbaycanda səfərdə olan Türkiyənin baş naziri Binəli Yıldırım Fəxri xiyabanı ziyarət edib.

    "Report" xəbər verir ki, B.Yıldırım ümummilli lider Heydər Əliyevin məzarı önünə əklil qoyub, xatirəsini ehtiramla yad edib.

    Görkəmli oftalmoloq alim, akademik Zərifə xanım Əliyevanın da xatirəsi anılıb, məzarı üzərinə tər güllər düzülüb.

    Türkiyənin baş naziri sonra Şəhidlər xiyabanına gələrək, Azərbaycanın müstəqilliyi və torpaqlarımızın müdafiəsi uğurunda canlarından keçən qəhramanların məzarlarını ziyarət edib, xatirələrini hörmətlə yad edib, "Əbədi məşəl" kompleksinin önünə əklil qoyub. 

    B.Yıldırım daha sonra 1918-20- ci illərdə, erməni-daşnak hərbi birləşmələrinin Azərbaycanda törətdiyi qırğınların qarşısının alınmasında iştirak edərək şəhid olan Türk əsgərlərinin xatirəsinə ucaldılan “Türk şəhidliyi” abidəsi önünə də əklil qoyub, şəhidlərin xatirəsi ehtiramla yad edilib, xatirə dəftərinə ürək sözlərini yazıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi