Yuxarı
    Bağlamaq

    Tbilisidə Azərbaycan, Türkiyə və Gürcüstan XİN başçılarının görüşü keçirilir - FOTO

    Elmar Məmmədyarov, Mövlud Çavuşoğlu və Mixail Canelidze üç ölkə arasındakı əməkdaşlığın perspektivlərini müzakirə edəcək

    Tbilisi. 19 fevral. REPORT.AZ/ Tbilisidə Azərbaycan, Türkiyə və Gürcüstan xarici işlər nazirlərinin beşinci görüşü başlayıb.

    "Report"un məlumatına görə, görüş zamanı Azərbaycan xarici işlər naziri Elmar Məmmədyarov, onun türkiyəli həmkarı Mövlud Çavuşoğlu və Gürcüstan XİN başçısı Mixail Canelidze iqtisadiyyat, nəqliyyat sferasında üçtərəfli formatda əməkdaşlığın perspektivlərini, eləcə də regiondakı vəziyyəti müzakirə edəcək.

    Görüşün sonunda yekun olaraq Tbilisi bəyannaməsi imzalanacaq.

    Nazirlər, həmçinin Bakı-Tbilisi-Qars dəmir yolu xəttinin Gürcüstan hissəsinə baxış keçirəcək. Bu hissədə işlər demək olar, tam bitib və xəttin sınağı 2015-ci ildə həyata keçirilib.

    Xatırladaq ki, Gürcüstan, Azərbaycan və Türkiyə xarici işlər nazirlərinin ilk üçtərəfli görüşü 2012-ci il iyunun 8-də baş tutub. Üç ölkənin xarici işlər nazirlərinin üçtərəfli görüşünə Gürcüstan ikinci dəfə ev sahibliyi edir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi