Yuxarı
    Bağlamaq

    ​Tatarıstanın baş naziri Azərbaycanla birgə layihələr barədə danışıb

    Azərbaycan şirkəti Kazanda zavod və logistika mərkəzi inşa edəcək

    Bakı. 1 oktyabr. REPORT.AZ/ "Azərbaycanın ənənəvi olaraq Tatarıstanla sıx ticari-iqtisadi və humanitar əlaqələri mövcuddur".

    "Report" xəbər verir ki, bu barədə Yekaterinburqda VI Azərbaycan-Rusiya regionlararası forumunda çıxış edən Tatarıstanın baş naziri İldar Xalikov bildirib.

    "Buna 1992-ci ildən Azərbaycanda fəaliyyət göstərən Tatarıstan respublikasının daimi nümayəndəliyinin olması öz töhfəsini verir. KAMAZ, Kazan vertolyot zavodu və "Nijnekamskneftexim" kimi şirkətlər Azərbaycanın uzunmüddətli tərəfdaşlarıdır", - hökumət başçısı bildirib.

    Onun sözlərinə görə, Tatarıstan hazırda Azərbaycanla bir sıra birgə layihələri həyata keçirir.

    "Sevindirici haldır ki, biz farmaseptika sahəsində əməkdaşlıq edirik. Hazırda Azərbaycan Səhiyyə nazirliyi Tatarıstanda istehsal olunan 33 adda dərman preparatını qeydə alıb", - İ.Xalikov bildirib.

    "Təxminən bir həftədən sonra, oktyabrın 7-də Azərbaycanın ən iri təbii şirə istehsal edən şirkəti Kazanda zavod və logistika mərkəzinin inşasına başlayacaq", - o deyib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi