Yuxarı
    Bağlamaq

    Səfir Əli Əlizadə Pakistanın neft və təbii ehtiyatlar naziri ilə görüşüb

    İkitərəfli əlaqələrin inkişaf etdirilməsi istiqamətində müzakirələr aparılıb

    Bakı. 22 iyul. REPORT.AZ/ Azərbaycanın Pakistandakı səfiri Əli Əlizadə, Pakistan-Azərbaycan Birgə Hökümətlərarası Komissiyanın həmsədri, bu ölkənin neft və təbii ehtiyatlar naziri Şahid Xaqan Abbasi ilə görüşüb.

    Azərbaycanın Pakistandakı səfirliyindən “Report”a verilən məlumata görə, görüşdə Azərbaycan-Pakistan münasibətlərinin hazırkı vəziyyəti, hər iki ölkənin bir-birinə göstərdiyi qarşılıqlı dəstək qeyd olunub

    Eyni zamanda iki ölkə arasındakı ticarət dövriyyəsinin daha da yüksəlməsinə səylərin göstərilməsi, birgə hökümətlərarası komissiyanın iclaslarının hər iki ildən bir təşkil olunması, qarşılıqlı səfərlərin həyata keçirilməsi, müqavilə-hüquq bazasının artırılması istiqamətində müzakirələr aparılıb.

    İki ölkə arasındakı dostluq və qardaşlıq münasibətlərinin yüksək səviyyəsindən bəhs edən nazir Ş.X.Abbasi Bakıya edilən səfərlərini xatırlayıb, bir çox ölkələrə səfər etdiyini, lakin Azərbaycanın son illər ərzində sürətlə inkişaf etdiyinin daha çox şahidi olduğunu bildirib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi