Səfir: "Əfqanıstan sülhməramlıların sayının artırılmasına görə Azərbaycan Prezidentinə təşəkkür edir"

Bakı. 27 noyabr. REPORT.AZ/ "Əfqanıstan ölkədə sülhməramlıların sayının artırılmasına görə Azərbaycan Prezidentinə təşəkkür edir."

"Report" xəbər verir ki, bu barədə Əfqanıstanın Azərbaycandakı səfiri Məhəmməd Tağı Xəlili bildirib.

"Əfqanıstanda sülhməramlıların sayını artıracağına görə Prezident İlham Əliyevə təşəkkür edirik. Əfqan xalqı adından bu qərarı alqışlayıram. Bu qərar yalnız Əfqanıstanın yox, həm də bütün regionun maraqlarına xidmət edir. Bu, bir daha sübut edir ki, Azərbaycan yalnız regionda yox, həm də dünyada sabitliyin təmin olunmasının qayğısına qalır", - M.T.Xəlilli deyib.

Xatırladaq ki, Azərbaycan Prezidenti İlham Əliyev ötən həftə NATO-nun Baş katibi Yens Stoltenberq ilə birgə mətbuat konfransında Əfqanıstanda Azərbaycan sülhməramlılarının sayının artırılması barədə qərar qəbul etdiklərini açıqlayıb.