Yuxarı
    Bağlamaq

    Səfir: "Azərbaycan və Bolqarıstanın işgüzar dairələri arasında əlaqələrin genişləndirilməsi üçün səylərimizi davam etdirəcəyik"

    Azərbaycan və Bolqarıstan arasında münasibətlər çoxillik dostluq və qarşılıqlı hörmətə əsaslanır

    Bakı. 14 fevral. REPORT.AZ/ "Azərbaycan və Bolqarıstan arasında münasibətlər çoxillik dostluq və qarşılıqlı hörmətə əsaslanır".

    "Report" xəbər verir ki, bunu Bolqarıstan KİV-inə müsahibəsində Azərbaycanın bu ölkədəki səfiri Nərgiz Qurbanova deyib.

    O, ölkə arasında əməkdaşlığın strateji səviyyədə olduğunu qeyd edib və iki ölkə arasında müxtəlif səviyyələrdə həyata keçirilən səfərləri xatırladıb.

    Əməkdaşlığın potensial sahələrindən danışan səfir nəqliyyat, energetika, kənd təsərrüfatı sahələrində tərəfdaşlığın genişləndirilməsi üçün imkanların olduğunu qeyd edib: "Bolqarıstan Azərbaycan üçün Avropaya açılan qapı, Azərbaycan isə Qərb ilə Asiya arasında körpüdür. Azərbaycanlı sahibkarlar beynəlxalq bazara çıxış əldə etmək üçün digər ölkələrdən olan tərəfdaşları ilə fəal əməkdaşlıq etməyə çalışır. Azərbaycanda neft sektorunda Bolqarıstan şirkətlərini görməkdən məmnun olardıq. Bu məqsədlə ölkələrimizin işgüzar dairələri arasında əlaqələrin genişləndirilməsi üçün səylərimizi davam etdirəcəyik".

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi