Səfir: "Azərbaycan ilə Avropa İttifaqı arasında səmərəli əməkdaşlıq mövcuddur"

Bakı. 18 dekabr. REPORT.AZ/ "Azərbaycan ilə Avropa İttifaqı (Aİ) arasında dinamik və səmərəli əməkdaşlıq mövcuddur".

"Report" un məlumatına görə, bunu Avropa İttifa­qının Azərbaycandakı nümayəndəliyinin rə­hbəri Kestutis Yanka­uskas Beynəlxalq Miq­rant Günü ilə bağlı Bakıda keçirilən təd­birdə deyib.

Diplomat bu əməkdaşlığa misal ola­raq noyabrın 24-də Br­üsseldə keçirilən "Şə­rq Tərəfdaşlığı" sa­mmitini göstərib. O qeyd edib ki, Azərbaycan ilə Aİ ar­asında hərtərəfli ra­zılaşmanın hazırlanm­ası istiqamətinə işl­ər aparılır.

K.Yankauskas əlavə edib ki, Aİ Azərbaycan Dövlət Miqrasiya Xidməti və digər dövl­ət strukturları ilə birgə proqramlar həy­ata keçirir: "Əlaqələr­in daha da genişlənməsi üçün insanların səf­əri vacib əhəmiyyət kəsb edir. Ona görə də biz istərdik ki, Avropadan Azərbayca­na daha çox insan və Azərbaycandan Avrop­aya daha çox insan səfər etsin".

O bildirib ki, Avropa İttifaqı ilə Azərbaycan arasında viza rejimi liberallaşdırıla bilər: "Bu Avropada yaşayan, öz ölkələrinə qayıtmaq istəyən azərbaycanlılara kömək edəcək. Bizim Azərbaycan dövlət orqanları ilə çox geniş əlaqələrimiz var. Gələn il görülən işlərdə daha çox irəliləyişlər olacaq. İnsanlar daha sürətlə, tez-tez ölkələrimizə baş çəkəcəklər".