Yuxarı
    Bağlamaq

    Səfir: "Azərbaycan FETÖ və PKK ilə mübarizədə Türkiyəyə dəstək verir"

    Erkan Özoral: Hazırda terrorizmə dəstək verənlər sabah terrorun qurbanı olacaqlar

    Bakı. 13 dekabr. REPORT.AZ/ “Türkiyə bu dəfə böyük mübarizəyə başlayıb. Türkiyə terrorla, xüsusilə FETÖ, PKK ilə mübarizə aparır. Bu məsələdə Azərbaycan Türkiyəyə dəstək verir. Buna görə təşəkkürümüzü bildiririk”.

    "Report"un xəbərinə görə, bunu Türkiyənin Azərbaycandakı səfiri Erkan Özoral jurnalistlərlə görüşündə deyib.

    O bildirib ki, Türkiyə bəzi hallarda terrorizmlə mübarizədə beynəlxalq arenadakı müttəfiqlərindən dəstək ala bilmir: “Bu da təəssüf doğurur. Hazırda terrorizmə dəstək verənlər sabah terrorun qurbanı olacaqlar. Terrorla mübarizə aparmaq lazımdır. “Mənə toxunmurlar” deyib, kənarda dayanmaq olmaz. Hər kəs terrorla mübarizə aparmalıdır”.

    Diplomat bildirib ki, Türkiyədə baş verən sonuncu terror aktı ilə bağlı dekabrın 14-də Türkiyənın Bakıdakı səfirliyində xatirə dəftəri açılacaq.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi