Yuxarı

Rusiya Xəzər dənizində yanan tankerin xilasetmə işlərində iştirak etdiyinə görə Azərbaycana təşəkkür edib

Rusiya səfirliyi bu addımı Rusiya-Azərbaycan münasibətlərinin daha bir təzahürü kimi qiymətləndirir

Bakı. 29 aprel. REPORT.AZ/ Rusiyanın Azərbaycandakı səfirliyi Rusiyanın "Palflot-2" tankerinin xilasetmə işlərində iştirak etdiyinə görə Azərbaycana təşəkkür edib.

Səfirlikdən "Report"a verilən məluamat görə, onlar Xəzər dənizində yanan tankerin xilas edilməsində iştiraka görə Fövqəladə Hallar Nazirliyinə, Dövlət Dəniz Administrasiyasına və "Xəzər dəniz gəmiçiliyi" QSC-yə öz təşəkkürünü bildirib.

"Qəzanın öhdəsindən operativ şəkildə gəlməkdə yardımçı olan azərbaycanlı mütəxəssislərin vaxtında və fədakar köməyini yüksək qiymətləndirən səfirlik bu addımı dostluq və qarşılıqlı dəstək prinsiplərinə əsaslanan Rusiya-Azərbaycan münasibətlərinin daha bir təzahürü kimi qiymətləndirir", - səfirliyin Azərbaycan XİN-ə göndərdiyi məktubda yazılıb.

Qeyd edək ki, Rusiyanın "Palflot-2" tankerində aprelin 23-də Xəzər dənizində Türkmənistan ərazi sularında yanğın baş verib. Yanğın nəticəsində bir nəfər ölüb, digər 10 ekipaj üzvü isə hadisə yerinə vaxtında yardıma gələn Azərbaycan xilasediciləri tərəfindən evakuasiya edilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi