Rusiya səfiri: "Azərbaycan ilə Rusiya arasında dostluq əlaqələri mövcuddur"

Bakı. 11 iyun. REPORT.AZ/ "Azərbaycan ilə Rusiya arasında dostluq əlaqələri mövcuddur. Bu dostluq ab-havasına ölkə prezidentləri tərəfindən də dəstək verilir".

"Report" xəbər verir ki, bu fikirləri Rusiyanın Azərbaycana yeni təyin olunmuş səfiri Mixail Boçarnikov Rusiya Günü münasibətilə keçirilən qəbulda deyib.

Səfir bildirib ki, hazırda iki ölkə arasında parlamentlərarası əlaqələr yüksək səviyyədədir, həmçinin humanitar və ticarət sahələrində uğurlu əməkdaşlıq var. 

M.Boçarnikov həmçinin Azərbaycan Xalq Cümhuriyyətinin 100 illiyi ilə bağlı təbriklərini çatdırıb.