Yuxarı

Rusiya prezidentinin sərhədlərin delimitasiyası və demarkasiyası üzrə xüsusi nümayəndəsi Bakıya gələcək

İqor Bratçikov Xəzər məsələləri üzrə Xüsusi İşçi Qrupunun 39-cu iclasında iştirak edəcək

Bakı. 3 mart. REPORT.AZ/ Rusiya prezidentinin MDB iştirakçı dövlətlərlə sərhədlərin delimitasiyası və demarkasiyası üzrə xüsusi nümayəndəsi, RF XİN xüsusi tapşırıqlar üzrə səfiri İqor Bratçikovun rəhbərlik etdiyi nümayəndə heyəti martın 3-də Bakıya gələcək. 

Rusiyanın Azərbaycandakı səfirliyindən "Report"a bildiriblər ki, səfərin məqsədi  martın 4-5-də keçiriləcək Xəzər məsələləri üzrə Xüsusi İşçi Qrupunun 39-cu iclasında iştirak etməkdir.

Qeyd edək ki, Xəzər məsələləri üzrə xüsusi işçi qrupunun 5 Xəzəryanı dövlətlərin xarici işlər nazirlərinin müavinləri səviyyəsində keçirilən iclasda Xəzər dənizinin hüquqi statusu haqqında Konvensiya mətninin üzərində iş davam etdiriləcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi