Yuxarı

Romada "İtaliya-Azərbaycan: gələcəyə birlikdə" adlı tədbir keçirilib - FOTO

İtaliyanın ictimai xadimlərinə Azərbaycanla əlaqələrin inkişafına verdikləri töhfəyə görə təşəkkür fərmanları təqdim edilib

Roma. 11 dekabr. REPORT.AZ/ Romada "İtaliya-Azərbaycan: gələcəyə birlikdə" adlı tədbir keçirilib.

"Report"un məlumatına görə, Azərbaycanın İtaliyadakı səfirliyi tərəfindən təşkil edilən tədbirdə səfirliyin əməkdaşları, İtaliyada yaşayan azərbaycanlılar, İtaliya ictimaiyyətinin nümayəndələri iştirak edib.

Tədbirin əvvəlində Azərbaycan haqqında videoçarx təqdim olunub. O cümlədən Milandakı Expo-2015-də Azərbaycanın pavilyonu nümayiş etdirilib.

Tədbirdə çıxış edən Azərbaycanın İtaliyadakı səfiri Vaqif Sadıqov ikitərəfli münasibətlərin inkişaf perspektivləri barədə danışıb.

Ardından İtaliyanın bəzi ictimai xadimlərinə Azərbaycanla əlaqələrin inkişafına verdikləri töhfəyə görə təşəkkür fərmanları təqdim edilib. Mükafatlandırılanlar sırasında məşhur italyan müğənni Al Bano da var.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi