Bakı. 2 fevral. REPORT.AZ/ Romada "Azərbaycan diplomatiyasının tarixi və gələcəyi" mövzusunda konfrans keçiriləcək.
"Report" "ADA" Universitetinin məlumatına əsasən xəbər verir ki, konfrans İtaliya Beynəlxalq Təşkilatlar Cəmiyyətinin (SIDI) təşkilati dəstəyi ilə fevralın 4-də baş tutacaq.
Məlumata görə, konfransın işində "ADA"nın rektoru, Azərbaycan xarici işlər nazirinin müavini Hafiz Paşayev iştirak edəcək. O, öz diplomat karyerası barədə mühazirə oxuyacaq.
Bundan əlavə, konfransda SIDI rəhbəri Franko Frattini, analitik Alessandro Politi, jurnalist Sandro Teti də iştirak edəcək.