Yuxarı
    Bağlamaq

    Qırğızıstan FHN humanitar yardım göstərdiyinə görə Azərbaycana təşəkkür edib

    Tərəflər fövqəladə hallarla bağlı xəbərdarlıq və onun aradan qaldırılması sahəsində əməkdaşlığın inkişaf edəcəyinə ümidvardır

    Bakı. 23 dekabr. REPORT.AZ/ Qırğızıstan Fövqəladə Hallar Nazirliyinin stats-katibi Talaybek Temiraliyev Azərbaycanın Bişkekdəki səfirliyinin birinci katibi Fərhad Məmmədovla Azərbaycanın humanitar yardımının respublikya çatdırılması ilə bağlı məsələni müzakirə edib. "Report" xəbər verir ki, bu barədə Qırğızıstan KİV-i məlumat yayıb.

    Xatırladaq ki, Azərbaycan Prezidenti İlham Əliyev zəlzələ nəticəsində xəsarət alan Qırğızıstan əhalisinə humanitar yardım edilməsiylə bağlı qərar qəbul edib.

    Bişkekdə baş tutan görüşdə isə Azərbaycandan gələcək humanitar yükün respublikanın yollarından təhlükəsiz və maneəsiz keçməsi məsələsi müzakirə olunub. Humanitar yükün tərkibinə ümumi dəyəri 1 milyon manat olan ərzaq, tikinti məhsulları və yanacaq-sürtkü materialları daxildir. Yardım karvanının Qırğızıstana təxminən dekabrın 24-də gəlib çatacağı gözlənilir.

    Stats-katib T.Temiraliyev hökuməti və Qırğızıstan xalqı adından göstərilən yardıma görə səfirin timsalında bütün Azərbaycan xalqına səmimi təşəkkürünü bildirib.

    Görüşün sonunda tərəflər fövqəladə hallarla bağlı xəbərdarlıq və onun aradan qaldırılması sahəsində Qırğızıstan və Azərbaycan arasındakı əməkdaşlığın daha da inkişaf edəcəyinə ümidvar olduqlarını qeyd edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi