Qazaxıstanın Bakıdakı səfirliyində prezident seçkiləri ilə bağlı seçki məntəqəsi açılıb

Qazaxıstanda keçirilən prezident seçkiləri ilə əlaqədar bu ölkənin Bakıdakı səfirliyində seçki məntəqəsi öz işinə başlayıb.

"Report" xəbər verir ki, 262 saylı seçki məntəqəsi yerli vaxtla 07:00-da açılıb.

Seçki məntəqəsinin üzvləri və Qazaxıstan diplomatları ölkə himninin səsləndirilməsi ilə təntənəli açılış mərasimi keçiriblər. Sözügedən məntəqədə Azərbaycanda müvəqqəti yaşayan Qazaxıstan vətəndaşları səs verə bilərlər.