Qazaxıstan səfirliyi öldürülən azərbaycanlı ilə bağlı açıqlama yaydı

Qazaxıstan səfirliyi öldürülən azərbaycanlı ilə bağlı açıqlama yaydı “Qazaxıstan həlak olmuş Azərbaycan vətəndaşının ailəsinə başsağlığı verir. Bu gün mərhumun nəşi Azərbaycan tərəfinə verilib”.
Xarici siyasət
960
6 May , 2020 18:41
Qazaxıstan səfirliyi öldürülən azərbaycanlı ilə bağlı açıqlama yaydı

“Qazaxıstan həlak olmuş Azərbaycan vətəndaşının ailəsinə başsağlığı verir. Bu gün mərhumun nəşi Azərbaycan tərəfinə verilib”.

“Report” xəbər verir ki, bu, Qazaxıstanın Azərbaycandakı səfirliyinin açıqlamasında bildirilib.

Qeyd olunub ki, hadisə barədə dolğun məlumat Azərbaycan hökumətinə təqdim edilib.

“Qazaxıstan Azərbaycan vətəndaşları tərəfindən dövlət sərhədinin pozulması hallarının artmasından narahatlıq bildirir. 2017-ci ildən bu günədək Azərbaycan Respublikasının 41 nəfər vətəndaşı saxlanılıb, bunlardan 33-ü Qazaxıstanın dövlət sərhədini pozmaq üstündə məhkum edilib”, - açıqlamada vurğulanıb.

Xatırladaq ki, aprel ayının 30-da Xəzər sularında Qazaxıstan Milli Təhlükəsizlik Komitəsi Sahil Mühafizəsinin əməkdaşları tərəfindən Azərbaycan Respublikasının 4 nəfər vətəndaşı saxlanılıb. Sərhədçilər tərəfindən silah tətbiqi nəticəsində Azərbaycan vətəndaşlarından biri ölüb, ikisi yaralanıb.

Son xəbərlər

Orphus sistemi