Yuxarı
    Bağlamaq

    Prezident İlham Əliyev Avstriyanın və İsveçrənin yeni seçilmiş prezidentlərini təbrik edib

    “Biz Azərbaycan ilə İsveçrə arasındakı münasibətlərin inkişafına böyük əhəmiyyət veririk”

    Bakı. 14 dekabr. REPORT.AZ/ Azərbaycan Prezidenti İlham Əliyev Avstriyanın yeni seçilmiş Federal Prezidenti Aleksander Van der Bellenə təbrik məktubu göndərib.

    “Report”un xəbərinə görə, məktubda deyilir: “Ümidvaram ki, Azərbaycan-Avstriya dostluğu və əməkdaşlığının daha da möhkəmlənməsi, əlaqələrimizin bütün sahələrdə dərinləşməsi yolunda birgə səylər göstərərək ikitərəfli münasibətlərimizin inkişafına yeni töhfələr verəcəyik”.

    Dövlət başçısı Avstriyanın yeni seçilmiş Prezidentinə ən xoş arzularını yetirib, dost Avstriya xalqının rifahı naminə qarşıdakı fəaliyyətində ona uğurlar diləyib.

    Prezident İlham Əliyevin İsveçrənin yeni seçilmiş Prezidenti xanım Doris Loytharda ünvanladığı təbrik məktubunda isə deyilir: “Biz Azərbaycan ilə İsveçrə arasındakı münasibətlərin inkişafına böyük əhəmiyyət veririk. Ümidvaram ki, ölkələrimiz arasındakı əlaqələrin genişlənməsi, dostluq və əməkdaşlıq münasibətlərinin inkişafı yolunda bundan sonra da birgə səylər göstərəcəyik”.

    Dövlət başçısı İsveçrənin yeni seçilmiş Prezidentinə möhkəm cansağlığı, xoşbəxtlik, dost İsveçrə xalqının rifahı naminə qarşıdakı fəaliyyətində uğurlar diləyib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi