Yuxarı
    Bağlamaq

    Azərbaycan Prezidenti Administrasiyasının şöbə müdiri Türkiyədə TRT-nin baş direktoru ilə görüşüb

    Əli Həsənov TRT-nin fəaliyyətini yüksək qiymətləndirib

    Bakı. 17 fevral. REPORT.AZ/ Azərbaycan Respublikası Prezidenti Administrasiyasının ictimai-siyasi məsələlər şöbəsinin müdiri Əli Həsənov Türkiyədə TRT-nin baş direktoru Şenol Göka ilə görüşüb. “Report” “AzərTAc”a istinadən xəbər verir ki, “Bir millət, iki dövlət” kəlamının xatırlandığı görüşdə iki ölkə arasındakı dostluq və qardaşlıq münasibətlərindən, xüsusilə media sahəsində əməkdaşlıq məsələlərindən bəhs edilib.

    Prezident Administrasiyasının şöbə müdiri Əli Həsənov TRT-nin fəaliyyətini yüksək qiymətləndirib.

    Ş.Göka xalqlar arasında əlaqələrin daha da möhkəmlənməsinə TRT-nin daim dəstək verdiyini diqqətə çatdırıb.

    Görüşdə Azərbaycan ilə Türkiyə arasında bütün sahələrdə, eləcə də media sahəsində əməkdaşlığın yüksək səviyyədə olduğu bildirilib, həyata keçirilən birgə layihələrin bu əməkdaşlığı daha da genişləndirəcəyinə əminlik ifadə edilib.

    Ş.Göka bildirib ki, TRT tərəfindən ortaq coğrafi məkanda istifadə edilən türk sözlərinin üç dildə (türk, Azərbaycan, Türkmənistan) tələffüzünün əks olunduğu səsli lüğətin hazırlanması üzərində iş yekunlaşmaqdadır. Bu layihə xalqlar daha da yaxınlaşmasına, bir-birilərini daha yaxşı başa düşmələrinə kömək edəcək.

    Prezident Administrasiyasının rəsmisi Əli Həsənov layihənin çox yaxşı təşəbbüs olduğunu vurğulayıb.

    Azərbaycanın Türkiyədəki səfiri Faiq Bağırov görüşdə iştirak edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi