Yuxarı
    Bağlamaq

    ​Poroşenko Azərbaycanın ərazi bütövlüyünü bir daha dəstəkləyib

    Dövlət başçısı Dağlıq Qarabağda vəziyyətin gərginləşməsindən narahatçılığını bildirib

    Bakı. 5 aprel. REPORT.AZ/ Ukrayna prezidenti Pyotr Poroşenko ilə Azərbaycanın dövlət başçısı İlham Əliyev arasında telefon danışığı olub.

    "Report" xəbər verir ki, bu barədə Ukrayna prezidentinin mətbuat xidməti məlumat yayıb.

    Məlumatda dövlət başçılarının son günlər Dağlıq Qarabağ regionundakı vəziyyətin gərginləşməsindən narahatçılıq ifadə etdikləri xüsusilə qeyd olunub.

    Hər iki lider vəziyyətin beynəlxalq hüquq prinsipləri əsasında sülh yolu ilə nizamlanmasının vacib olduğunu qeyd ediblər. Pyotr Poroşenko və İlham Əliyev Dağlıq Qarabağ münaqişəsinin beynəlxalq təşkilatlar çərçivəsində nizamlanması üzrə fəaliyyətlərini əlaqələndiriblər.

    Ukrayna Prezidenti bu münaqişənin Azərbaycanın suverenliyi, ərazi bütövlüyü və beynəlxalq səviyyədə tanınmış sərhədləri çərçivəsində həlli ilə bağlı ölkəsinin mövqeyinin dəyişməz olduğunu bildirib.

    Dövlət başçıları, həmçinin ikitərəfli tərəfdaşlıq, o cümlədən Bakıda Dövlət başçıları şurasının keçirilməsi məsələlərini müzakirə ediblər.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi