Perunun nümayəndə heyəti Bakı Beynəlxalq Humanitar Forumunda iştirak edəcək

Bakı. 28 sentyabr. REPORT.AZ/ Azərbaycanın Perudakı müvəqqəti işlər vəkili Mehdi Məmmədov Peru Konqresinin Azərbaycan-Peru Dostluq Liqasının üzvü Viktor Andres Qarsiya Belande ilə görüşüb.

"Report" xəbər verir ki, görüş zamanı onlar ikitərəfli əməkdaşlığı, həmçinin Peru nümayəndə heyətinin bu ilin oktyabr ayında keçiriləcək VI Bakı Beynəlxalq Humanitar Forumunda iştirakını müzakirə ediblər.