Ötən il Gürcüstandan deportasiya olunan Azərbaycan vətəndaşlarının sayı açıqlanıb

2020-ci ildə Gürcüstandan 49 nəfər xarici ölkə vətəndaşı deportasiya edilib.

“Report”un yerli bürosu xəbər verir ki, bu barədə ölkənin Daxili İşlər Nazirliyinin illik hesabatında bildirilib.

Sənədə əsasən, illik müqayisədə deportasiya ilə üzləşən əcnəbilərin sayında iki dəfədən çox azalma qeydə alınıb.

Qonşu ölkədən çıxarılan əcnəbilərin 7-si Azərbaycan vətəndaşı olub.

2019-cu illə müqayisədə Gürcüstandan deportasiya olunan Azərbaycan vətəndaşlarının sayı 25 nəfər azalıb.