Yuxarı

Oqtay Əsədov Türkiyəyə gedəcək

Azərbaycanın nümayəndə heyəti İstanbulda körpünün açılışı mərasimində iştirak edəcək

Bakı. 25 avqust. REPORT.AZ/ Milli Məclisin (MM) sədri Oqtay Əsədovun başçılığı ilə Azərbaycan nümayəndə heyəti İstanbulda Bosfor körfəzi üzərində üçüncü körpünün açılışı mərasimində iştirak etmək üçün bu gün Türkiyəyə səfər edəcək.

Bu barədə "Report"a MM-in mətbuat xidmətindən bildirilib.

Məlumata görə, açılış mərasiminə ölkə başçısı prezident Rəcəb Tayyib Ərdoğan, baş nazir Binəli Yıldırım və nazirlər qatılacaqlar. Burada Milli Məclis Sədrinin tədbir iştirakçıları ilə bir sıra görüşləri də gözlənilir.

Açılış mərasimi ilə əlaqədar keçiriləcək tədbirlərdə Milli Məclisin komitə sədri, Türkiyə ilə parlamentlərarası əlaqələr üzrə işçi qrupunun rəhbəri Əhliman Əmiraslanov və digər rəsmi şəxslər iştirak edəcəklər.

Səfər avqustun 27-də başa çatacaq.

Qeyd edək ki, IX Osmanlı padşahının adını daşıyan Yavuz Sultan Səlim körpüsünün eni 59 metr, uzunluğu 1408 metr olmaqla dünyanın ən geniş və uzun rels sisteminə malik “Asma körpü”sü olacaq. Avropa ilə Asiya qitəsini birləşdirəcək bu üçüncü körpünün üzərində avtomobillərin hərəkəti üçün 4 gediş və 4 dönüş olmaqla 8 hərəkət zolağı və iki dəmiryol xətti salınıb. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi