Bakı. 15 aprel. REPORT.AZ/ Latviyanın Azərbaycandakı səfiri Yuris Maklakovs Milli Məclisin sədri Oqtay Əsədovla görüşüb.
"Report" Latviyanın Azərbaycandakı səfirliyinə istinadən xəbər verir ki, görüşdə ikitərəfli parlamentlərarası münasibətlər və Azərbaycan və Avropa İttifaqı arasında əməkdaşlıq müzakirə olunub.
Tərəflər, həmçinin əlaqələrin inkişaf perspektivləri və Azərbaycan-Latviya əməkdaşlığının digər aspektlərinə toxunublar. Görüş zamanı Azərbaycanın energetika sektorundakı mühüm rolu qeyd olunub.
Öz növbəsində, O.Əsədov latviyalı həmkarını Azərbaycana səfərə dəvət edib.